Connect with us

இந்தியா

இந்தியா-சீனா எல்லை பதற்றம்: தௌலத் நெடுஞ்சாலை முக்கியத்துவம் பெற காரணம் என்ன?

255 கி.மீ  நீளமுள்ள தர்புக்-ஷியோக் தௌலத் பேக் ஓல்டி நெடுஞ்சாலையை இந்திய அரசு சீரமைத்ததன் விளைவு தான், கிழக்கு லடாக் பகுதியில், சீனாவின் மக்கள் விடுதலை இராணுவம் ஊடுருவ முக்கிய காரணமாக அமைந்தது.

13,000 அடி உயரத்தில் தொடங்கும் இந்த சாலை 16,000 அடி உயரம் வரை வளைந்து பயணிக்கிறது. இந்தியா- சீனா எல்லைக் கட்டுப்பாட்டு கோட்டிற்கு நேர் இணையாக செல்லும் இந்த சாலைப் பணியை முடிக்க இந்திய அரசின் எல்லையோர சாலைகள் நிறுவனத்துக்கு கிட்டத்தட்ட இருபது ஆண்டு காலம் எடுத்தன.

காரகோரம் மலைத்தொடரின் அடிவாரத்தில் இருக்கும் தௌலத் பேக் ஓல்டி விமானத் தளத்தை, லடாக் ஒன்றியப் பகுதியோடு  இணைப்பதால் ராணுவ மட்டத்தில் இந்த சாலை முக்கியத்துவம் பெறுகிறது. இந்த காரகோரம் மலைத் தொடர் தான் இந்தியாவின் லடாக் மற்றும் சீனாவின் சின்ஜியாங் உய்கர் தன்னாட்சி பிரதேசத்தை பிரிக்கிறது.

தௌலத் பேக் ஓல்டி உலகின் உயரமான விமான ஓடுதளமாக செயல்பட்டு வருகிறது. இது கடல் மட்டத்திலிருந்து 16,614 அடி உயரத்தில் அமைந்துள்ளதால் இதுவரை இந்திய ராணுவத்தின் உயர் தரமான ஹெலிக்காப்டர்களும், ஆன்டனோவன்-32 வகையான உலகுரக விமானங்களும் குறைந்த எடை ராணுவத்தளவாடங்களை மட்டுமே எடுத்துச்சென்று வந்தன.

20.08.2013 செவ்வாய் கிழமை அன்று இந்திய விமானப் படை சரித்திரம் ஒன்றை நிகழ்த்திக் காட்டியது. புதிதாக வாணிய ராணுவ விமானமான சி-130 ஜே சூப்பர் ஹெர்குலிஸ் விமானத்தை இவ்விமான ஓடுதளத்தில் வெற்றிகரமாக தரை இறக்கப்பட்டது. அதனால், சர்ச்சைக்குரிய எல்லைப்பகுதிகளில் நிறுத்தப்பட்டுள்ள இராணுவ முகாம்களுக்கு உபகரணங்கள் அனுப்பி வைக்கப்படுவது எளிமையானது.

தர்புக்-ஷியோக் தௌலத் பேக் ஓல்டி நெடுஞ்சாலை  மூலமாக அக்சாய் சின் வழியாக செல்லும் திபெத்-ஜின்ஜெயிங் நெடுஞ்சாலையின் ஒரு பகுதியை இந்திய இராணுவம் அணுகலாம். 1950-களில் சீனா ஆக்கிரமித்த முன்னாள் ஜம்மு-காஷ்மீர் மாநிலத்தின் கிழக்குப் பகுதியான அக்சாய் சின்-ல் உள்ள இந்தியா- சீனா எல்லைக் கட்டுப்பாட்டு கோட்டிற்கு இணையாக இந்த சாலை பயணிக்கிறது. சீனாவின் இந்த ஆக்கிரமிப்பு  1962 ஆம் ஆண்டு யுத்தத்திற்கு வழிவகுத்தது. இதில், இந்தியா மோசமான தோல்வியை  சந்தித்தது.

இந்தியாவின் தௌலத் பேக் ஓல்டி நெடுஞ்சாலை  கட்டமைப்பு பணிகள், சீனாவிற்கு அழுத்தம் கொடுத்தன. அதன் விளைவாக 2013 ஆம் ஆண்டு, சீனா துருப்புகள்   டெப்சாங் சமவெளிகளில் ஊடுருவினர். இந்த, பதட்டமான சூழல் கிட்டத்தட்ட மூன்று வாரங்கள் வரை  நீடித்தன.

அக்சாய் சின் பகுதியில் அமைந்துள்ள எல்லைக் கட்டுப்பாட்டு கோட்டிற்கு மேற்கே 10 கி.மீ. குறைவான தொலைவில் தான் தௌலத் பேக் ஓல்டி விமான இயங்குதளம் உள்ளது. அக்சாய் சின் ஆக்கிரமிப்புக்கு  பதிலடி கொடுக்கும் வகையில், தௌலத் பேக் ஓல்டி பகுதியில் இந்திய இராணுவ புறக்காவல் நிலையம் (military outpost) அமைக்கப்பட்டது. தற்போது,லடாக் சாரணர் படைப்பிரிவு  மற்றும் இந்திய-திபெத்திய எல்லை காவல்படை (ஐ.டி.பி.பி) வீர்ர்கள் அங்கு நிறுத்தப்பட்டுள்ளன. இரு படைப்பிரிவு வீரர்களும்  தொடர்ந்து எல்லைக் கட்டுப்பாட்டு பகுதியில் தொடர்ந்து ரோந்து பணிகளை மேற்கொண்டு வருகின்றனர்.

தௌலத் பேக் ஓல்டி மேற்கில், சீனாவும் – பாகிஸ்தானின் கில்கிட்-பால்டிஸ்தான் பகுதியோடு எல்லையைப் பகிர்ந்துள்ளது. கில்கிட்-பால்டிஸ்தான் முந்தைய காஷ்மீர் மாகாணத்தின் பிராந்தியங்களாக இருந்ததும் குறிப்பிடத்தக்கது.

பாகிஸ்தான் ஆக்கிரமிப்பு காஷ்மீர் வழியாக சீனா நிர்வகிக்கும், சீனா- பாகிஸ்தான் பொருளாதார பாதை திட்டத்தில் இந்த பகுதிகள் அதிகளவிலான முக்கியத்துவம் பெறுகின்றன. இந்தியா, இந்த பொருளாதார திட்டத்திற்கு கடுமையான ஆட்சேபனையை  தெரிவித்து வருகிறது.

அதேபோல், இந்த பகுதியில் இருந்து தான், சீன-பாகிஸ்தான் எல்லை ஒப்பந்தத்தின்  கீழ் பாகிஸ்தான் 5,180 சதுர கி.மீ நிலங்களை சீனா நாட்டிற்கு விட்டுக் கொடுத்தது.

கோடை காலத்தில் ஷியோக் நதி மற்றும் இதர நதிகளில் ஏற்படும் வெள்ளப்பெருக்கால் முந்தைய சாலைகளை இந்திய ராணுவம் பயன்படுத்த முடியாமல் இருந்தது. அதன்  காரணமாக,37 பாலங்ககளின் உதவியோடு தர்புக்-ஷியோக் தௌலத் பேக் ஓல்டி நெடுஞ்சாலை மீண்டும் சீரமைக்கப்பட்டது. அனைத்து வானிலை சூழலிலும்  இந்தியா ரானுவத்திற்கு இணைப்பை வழங்கும் வகையில் இந்த நெடுஞ்சாலை செயல்படுகிறது.

ஷியோக் நதி சிந்துவின் துணை நதியாகும். இது வடக்கு லடாக் மற்றும் கில்கிட்-பால்டிஸ்தான் வழியாக பாய்கிறது.

அக்டோபர் 2019ம் ஆண்டு, பாதுகாப்பு அமைச்சர் ராஜ்நாத் சிங், இந்த நெடுஞ்சாலையில் ஒரு பகுதியான 500 மீட்டர் நீளமுள்ள பெய்லி பாலத்தை  (முன்னரே தயாரிக்கப்பட்ட ஒரு வகை சிறிய பாலம்) திறந்து வைத்தார்.லடாக்கைச் சேர்ந்த இந்திய ராணுவ வீராங்கனை கர்னல் செவாங் ரிஞ்சன் பெயரை இந்த பாலத்திற்கு சூட்டினார். 14,650 அடி உயரத்தில் அமைந்துள்ள  இந்த பாலம், உலகின் மிக உயர்ந்த பாலம் என்று நம்பப்படுகிறது.

Click to comment

Leave a Reply

Your email address will not be published. Required fields are marked *

அரசியல்

நடிகர் கருணாசுக்கு வன்னியர் சங்க மா.செ எச்சரிக்கை!

vaithi

நடிகர் சூர்யாவின் நடிப்பு மற்றும் தயாரிப்பில் வெளியான ஜெய்பீம் திரைப்படத்தில் வன்னியர்களின் அடையாளமான அக்கினி கலசம் தவறாக பயன்படுத்தப்பட்டது வன்னியர்கள் மத்தியில் அதிர்ச்சியை ஏற்படுத்தியது. இது தொடர்பாக நடிகர் கருணாஸ் சூரியாவிர்க்கு ஆதரவாகவும், வன்னியர்களுக்கு எதிராகவும் கருத்து தெரிவித்து இருந்தார். அதற்க்கு எதிர்ப்பு தெரிவித்து வன்னியர் சங்க மாநில செயலாளர் அவரது முகநூல் பக்கத்தில் பகிரங்க எச்சரிக்கை ஒன்றை வெளியிட்டுள்ளார். அவை பின்வருமாறு,

பதிலறிக்கை அல்ல
எச்சரிக்கை:
—–
லொடுக்குப்பாண்டி  கருணாஸ் எல்லாம் புத்தி சொல்ல வேண்டிய நிலைக்கு தமிழ் சினிமாவும் தமிழக அரசியலும் தள்ளப்பட்டிருப்பது வேடிக்கையாக இருக்கிறது.  .

பாட்டாளி மக்கள் கட்சியை கண்டிப்பதற்கு கருணாஸ் போன்றவர்களுக்கு துளியளவும் அருகதை இல்லை.

ஒரு நாளைக்கு தன்னோட சாதி கட்சிக்காரங்களுக்கு 1 லட்ச ரூபாய்க்கு சரக்கு வாங்கி கொடுப்பதாக மேடையில் பேசி, தமிழ் சமூக இளைஞர்களை போதையின் பாதையில்  இட்டு செல்லும் நான்காம் தர அரசியல்வாதி நீ.மன்னார்குடி தயவில் எம்எல்ஏ ஆகி, அதற்கு நன்றி கடனாக கூவத்தூரில் கருணாஸ் செய்த கலைச் சேவைகளை தமிழக மக்களும் ஊடகங்களும் இவ்வுலகமும் அறிந்தவைதானே.எங்கள் அய்யா அவர்களும், மருத்துவர் சின்ன அய்யா அவர்களும், தன் கட்சித் தொண்டர்கள் மட்டுமல்லாது பொது மக்களும் குடிக்கக்கூடாது என்பதற்காக 40 ஆண்டுகாலமாக மதுவுக்கு எதிராக போராடி வருவதோடு,சட்ட போராட்டத்தின் மூலம் நாடு முழுவதும் 90,000 மதுக்கடைகளையும், தமிழ்நாட்டில் 3300 மதுக்கடைகளையும் மூடியது வரலாறு!!

இப்படியிருக்க சரக்கு வாங்கி கொடுப்பதை சாதனை போல பேசுவோரும், ஊற்றி கொடுத்து உற்சாகப்படுத்துவோரும் போதனை சொல்லி அறிக்கை விடுவதைப் பார்த்தால், தமிழக அரசியலின் நிலை வேடிக்கையாக உள்ளது.ஜெய்பீம் படத்தில் சர்ச்சைக்குரிய காட்சியினை நீக்கியும் பாமகவினர் வம்பிழுப்பதாக அறிக்கையில் கூறியிருக்கிறீர்கள். படக்குழுவினர் தவறை உணர்ந்து, வன்னியர்களது புனித சின்னமான அக்னி கலசத்தை கொலைகார எஸ்ஐ வீட்டு காட்சியிலிருந்து நீக்கியதாக இருந்தால், தவறு செய்தவர்கள் யார் மனதை புண்படுத்தினார்களோ அவர்களிடம் மன்னிப்பு கேட்பதும், காட்சிப்படுத்தியதன் காரணத்தை விளக்குவதும்தான் பிரச்சினைக்கு தீர்வாக அமைந்திருக்கும்.

இதனை குறிப்பிட்டுதான் மருத்துவர் சின்ன அய்யா அவர்கள் 9 கேள்விகளை கேட்டு படத்தின் நடிகரும், படத்தின் தயாரிப்பாளருமான சூர்யாவுக்கு நாகரீகமான கடிதம் ஒன்று எழுதினார்கள்.அதற்கு தக்க பதில் அளித்திருக்க வேண்டிய சூர்யா, ஒரு கேள்விக்காவது உரிய விளக்கம் கொடுத்தாரா என்றால் இல்லவே இல்லை. அதை விடுத்து அவர்களுக்கு மட்டுமே ஏகோபித்த மக்களின் ஆதரவு இருப்பது போல எகத்தாளமாக பதில் தருவது என்ன ரகம்.செய்யாத குற்றத்திற்காக, சம்மந்தமில்லாத வன்னிய சமூகத்தை கொடூர கொலைகார சமூகமாக சித்தரித்த பழிகார நடிகன் சூர்யாவிற்கு இத்தனை ஆதரவு இருப்பதாக திரைக்கூத்தாடிகள் காட்டியிருக்கிறார்கள்.

உண்மையிலேயே இக்கொலைக்கு நீதி கிடைக்க ராசாக்கண்ணு குடும்பத்துக்கு ஆதரவாக அவ்வூரைச் சேர்ந்த வன்னிய சமூகம் தான் துணை நின்றதென்பது வரலாறு.அதை அறிந்துகொண்ட பிறகும் வரலாற்றை திரித்து ஜெய்பீம் படக் கும்பலால் பழி சுமத்தப்பட்டு மனம் நொந்து நிற்கும் மூன்று கோடி வன்னிய சொந்தங்களுக்கு ஆதரவு எப்படி இருக்கும் என்பதை விரைவில் இந்த அடாவடி திரையுலக அறிக்கை கும்பல் உணரும்.அதை வன்னியர் சங்கம் உணர்த்தும். 

பாதிக்கப்பட்ட சமூகத்தின் வலியை 1 % கூட உணராதஇதுபோன்ற பலரின் வெற்று அறிக்கைகளை பலவற்றைப் பார்த்துதான்  40 ஆண்டுகாலம் இந்த இயக்கம் சமூகப்பணி ஆற்றி வருகிறது.லொடுக்குப் பாண்டியே இத்துடன் நிறுத்திக்கொள்!!இது உமக்கான பதிலறிக்கை மட்டுமல்ல.கொஞ்சம் கூட புரிதல் இல்லாமல் கூச்சலிடும் கூத்தாடிகள் அனைவருக்குமானதுதான்..இது அறிக்கையல்ல.எச்சரிக்கை!!.

Continue Reading

இந்தியா

எடுத்த எடுப்பிலேயே கர்நாடகத்துக்கு கண்டனம். தமிழக அரசு துணிந்து நடவடிக்கை எடுக்கனும். அதிமுக தீர்மானம்.

தமிழக அரசு துணிந்து நடவடிக்கை

எடுத்த எடுப்பிலேயே கர்நாடகத்துக்கு கண்டனம். தமிழக அரசு துணிந்து நடவடிக்கை எடுக்கனும். அதிமுக தீர்மானம்.

வெந்த புண்ணில் வேல் பாய்ச்சும் வேலையாக கர்நாடக அரசு மேகதாதுவில் காவிரி நதியின் குறுக்கே அணை கட்டும் முயற்சியில் தீவிரம் காட்டி வருகிறது. ஒன்றுக்கு இரண்டாக தடுப்பணைகள் கட்ட கர்நாடக அரசு நிதி ஒதுக்கி செயல்பட்டு வருகிறது,

உள்ளாட்சித் தேர்தல் நெருங்கிவரும் நிலையில் அதுகுறித்து விவாதிக்க நேற்று அதிமுக தலைமைக் கழக நிர்வாகிகள், மாவட்ட செயலாளர்கள் கூட்டம் நடைபெற்றது அக்கட்சியின், ஒருங்கிணைப்பாளர் ஓ.பன்னீர்செல்வம் தலைமையில் நடைபெற்ற அக்கூட்டத்தில் ஆறு தீர்மானங்கள் நிறைவேற்றப்பட்டுள்ளது. அதில் முதலாவது தீர்மானமாக தமிழ்நாட்டின் இதயத்துடிப்பான காவிரி நதிநீர் பங்கீட்டில் தமிழ்நாட்டிற்கான உரிமையை காக்க வேண்டும், மேகதாதுவில் காவிரியின் குறுக்கே புதிய அணை கட்டுவதை தடுத்து நிறுத்த வேண்டும் என அரசுக்கு வலியுறுத்தப்பட்டுள்ளது. அத்தீர்மானத்தின் முழு விவரம்: 

காவிரி நதிநீர் பங்கீட்டில் தமிழ்நாட்டிற்கான உரிமை நிலைநாட்டப்பட இதயதெய்வம் புரட்சித்தலைவி அம்மா அவர்கள் மேற்கொண்ட கடும் முயற்சியால் நம் உரிமைகள் நிலைநாட்டப்பட்டது என்பது உலகறிந்த வரலாறு, கிருஷ்ணகிரி மாவட்டத்தில் இருந்து 8 கிலோமீட்டர் தொலைவில் தென்பெண்ணை ஆற்றின் துணை நதியான மார்க்கண்டேய நதியின் குறுக்கே, ஏரகோள் என்னும் இடத்தில் கர்நாடக அரசு தடுப்பணை கட்டி இருக்கிறது. ஒரு நதியின் கீழ் பாசன பகுதியினரின் ஒப்புதலின்றி மேல் பாசன பகுதியினர் அணை கட்டிக் கொள்ளக் கூடாது என்பது சர்வதேச நடைமுறை ஆகும். இதையே உலக நாடுகள் அனைத்தும் பின்பற்றுகின்றன. இதைமீறி கர்நாடக அரசு அணை கட்டி உள்ளது. இது வன்மையாககண்டிக்கத்தக்கது.

வெந்த புண்ணில் வேல் பாய்ச்சும் வேலையாக கர்நாடக அரசு மேகதாதுவில் காவிரி நதியின் குறுக்கே அணை கட்டும் முயற்சியில் தீவிரம் காட்டி வருகிறது. ஒன்றுக்கு இரண்டாக தடுப்பணைகள் கட்ட கர்நாடக அரசு நிதி ஒதுக்கி செயல்பட்டு வருகிறது, தமிழ்நாட்டின் இசைவைப் பெறாமல் புதிய அணையை  கர்நாடக அரசு மேகதாதுவில் கட்ட இயலாது, அவ்வாறு கர்நாடக அரசு முயற்சிக்குமேயானால், தமிழகம் அதனை எந்த சூழ்நிலையிலும் அனுமதிக்காது என்று 2012 ஆம் ஆண்டு மார்ச் மாதம் தமிழ்நாடு சட்டப்பேரவையில் முதலமைச்சராக வீற்றிருந்த புரட்சித்தலைவி அம்மா அவர்கள் உறுதிபடத் தெரிவித்தார்கள். மேகதாது விவகாரத்தில் தமிழ்நாடு அரசு உச்சநீதிமன்றத்தில் அணைகள் கட்டப்படுவதற்கு, எதிராக வழக்குத் தொடுப்பதை 2015-2016 ஆம் ஆண்டுக்கான நிதிநிலை அறிக்கையை தாக்கல் செய்த போது அப்போதைய நிதியமைச்சர் பன்னீர்செல்வம் அவர்கள் சுட்டிக்காட்டி அணைகள் கட்டுவதை ஒருபோதும் அனுமதிக்க மாட்டோம் என்று தமிழ்நாடு சட்டப்பேரவையில் உறுதி அளித்தார்.

அதேபோல் கழக இணை ஒருங்கிணைப்பாளர் திரு .எடப்பாடி கே.பழனிச்சாமி அவர்கள் தமிழ்நாடு முதலமைச்சராக இருந்தபோது பாரதப் பிரதமர் அவர்களுக்கு அனுப்பிய கடிதத்தில், கர்நாடகாவின் மேகதாது அணை திட்டத்திற்கு சுற்றுச்சூழல் அனுமதி வழங்கக்கூடாது எனவும், கர்நாடக அரசின் திட்ட அறிக்கையை மத்திய அரசின் சுற்றுச்சூழல் வனங்கள் மற்றும் பருவநிலை மாற்ற அமைச்சகம் நிராகரித்து திருப்பி அனுப்புமாறு, ஜல்சக்தி அமைச்சகத்திற்கு அறிவுறுத்துமாறு வலியுறுத்தி கேட்டுக் கொண்டார். மேலும் பாரதப்பிரதமர் அவர்களை நேரில் இரண்டு முறை சந்தித்த போது மேகதாதுவில் கர்நாடகா அணை கட்ட அனுமதி வழங்கினால் தமிழ்நாட்டின் டெல்டா மாவட்டங்கள் பாலைவனமாகி விடும் சூழ்நிலை ஏற்படும் என்றும் எடுத்துக் கூறினார். எனவே மேற்சொன்ன வரலாற்று உண்மைகளை நினைவில் கொண்டு தமிழ்நாடு அரசு விரைந்தும், துணிந்தும், விவேகத்துடனும் செயல்பட வேண்டும் என்று இக்கூட்டம் வலியுறுத்தி கேட்டுக் கொள்கிறது என தீர்மானம் நிறைவேற்றப்பட்டுள்ளது.

Continue Reading

இந்தியா

கர்நாடக எல்லையில் வாட்டாள் நாகராஜ் அட்டகாசம்

கர்நாடக எல்லையில் உள்ள தாளவாடி அருகே தமிழக அரசின் சார்பில் வைக்கப்பட்டிருந்த எல்லை பலகைகளை வாட்டாள் நாகராஜ் தலைமையிலான கன்னட அமைப்பினர் அடித்து நொறுக்கிய தால் பரபரப்பு ஏற்பட்டுள்ளது. ஈரோடு மாவட்டம் தாளவாடி மலைப்பகுதி தமிழக கர்நாடக எல்லையில் அமைந்துள்ளது. இந்த தேசிய நெடுஞ்சாலையில் ராமபுரம் என்ற இடத்தில் வைக்கப்பட்டுள்ள ஈரோடு மாவட்ட ஊராட்சி ஒன்றியம் வரவேற்பு பலகை மற்றும் தேசிய நெடுஞ்சாலை பெயர் பலகை ஆகிய இரண்டையும் இன்று மாலை கன்னட அமைப்பினர் அடித்து நொறுக்கினர்.

இந்த இரண்டு பலகைகளும் தமிழில் எழுதப்பட்டிருந்ததுதான் காரணமாம். கன்னட சலுவாலியா கட்சி தலைவர் வாட்டாள் நாகராஜ் தலைமையில் அவரது கட்சியினர் சுமார் 50 பேர் இன்று மாலை பாரதிபுரம் வந்து தமிழ்பெயர்கள் பொறிக்கப்பட்ட ஸ்டிக்கர்களை கிழித்தும், பெயர்பலகையை அடித்து நொறுக்கியும் சேதப்படுத்தினர். பின்னர் கன்னட மொழியில் கோஷங்களை எழுப்பிவிட்டு கலைந்து சென்றனர். தகவல் அறிந்து அங்கு வந்த போலீசார் விசாரணை நடத்தினர்.

இதில் இரு மாநில எல்லை வழியாக செல்லும் மைசூர் தேசிய நெடுஞ்சாலையில், தமிழ் மற்றும் கன்னட மொழிகளில் பெயர் பலகை வைக்க வேண்டும் என்றும் தமிழில் மட்டுமே வைக்கப்பட்டதை கண்டித்து வைக்கப்பட்ட பெயர் பலகைகளை வாட்டாள் நாகராஜ் மற்றும் அவரது ஆதரவாளர்கள் சேதப்படுத்தியது தெரியவந்துள்ளது. இது தொடர்பாக வாட்டள் நாகராஜ் உள்ளிட்ட 50 பேர் மீது வழக்குப்பதிவு செய்யபட்டுள்ளது. கன்னட அமைப்பினர் நடத்திய இந்த போராட்டத்திற்கு தமிழ் அமைப்புகள் கண்டனம் தெரிவித்துள்ளன.

Source link

Continue Reading

Trending