Connect with us

தொழிற்நுட்பம்

கூகுள் தேடலில் தனிப்பட்ட வாட்ஸ் அப் குழுக்களின் லிங்க்: மீண்டும் எழும் வாட்ஸ் அப் பாதுகாப்பு அச்சம்! | whatsapp private chat link indexed in google search

வாட்ஸ் அப் தனிப்பட்ட குழுக்களின் இணைப்புகள் கூகுள் தேடியந்திரத்தில் தேடினால் கிடைத்திருப்பது மீண்டும் தெரியவந்துள்ளது. அதாவது, இவை ரகசியமான, தனிப்பட்ட வாட்ஸ் அப் உரையாடல் குழுக்களாக இருந்தாலும் அவற்றின் இணைப்பு (லிங்க்) இருந்தால் அதை கூகுளில் தேடியே எளிதில் அந்தக் குழுவில் இணைந்துவிடலாம்.

சுயாதீன இணையப் பாதுகாப்பு ஆய்வாளர் ராஜேஷகர் என்பவர் இது குறித்துப் பகிர்ந்துள்ளார். இதனால் வாட்ஸ் அப் தனிப்பட்ட குழுக்களின் பாதுகாப்பு குறித்து மீண்டும் கேள்வியெழுந்துள்ளது.

அண்மையில், தனிப்பட்ட வாட்ஸ் அப் குழுக்களில் இணையக் கிட்டத்தட்ட 4,000 இணைப்புகள் கூகுள் தேடியந்திரத்தில் பட்டியலிடப்பட்டிருந்தன. தனிப்பட்ட குழுக்கள் வசதிக்கு எந்தவித அர்த்தமுமின்றி யார் வேண்டுமானாலும் இந்த இணைப்புகளை வைத்து அந்தந்தக் குழுக்களில் இணையும் சூழல் ஏற்பட்டது. இதனால் வாட்ஸ் அப் பாதுகாப்பில் அத்துமீறல் நடந்துள்ளதாகச் சந்தேகங்கள் எழுந்தன.

இதுகுறித்துப் பேசியிருக்கும் வாட்ஸ் அப் நிறுவனத்தின் செய்தித் தொடர்பாளர் அலிசன் பானி பேசுகையில், “பொதுத் தளங்களில் பகிரப்படும் விஷயங்களைத் தேடியந்திரத்தில் கண்டுபிடிப்பது போலத்தான் குழுக்களின் இணைப்புகள் பொதுவில் பகிரப்படும்போது அவை மற்றவர்களுக்குக் கிடைக்கிறது. தங்களுக்குப் பரிச்சயமானவர்களிடம் பகிரப்படும் இணைப்புகளை யாரும் பொது இணையதளங்களில் பகிரக்கூடாது” என்று கூறியுள்ளார்.

இன்னொரு பக்கம் வாட்ஸ் அப்பின் தனியுரிமைக் கொள்கைகளில் மாற்றம் கொண்டுவரப்பட்டுள்ளது. இதை ஏற்றுக்கொள்ளாதவர்களுக்கு பிப்ரவரி 8ஆம் தேதிக்குப் பிறகு வாட்ஸ் அப் செயல்படாது. பயனர்கள் பற்றிய விவரங்களை ஃபேஸ்புக், இன்ஸ்டாகிராம் உள்ளிட்ட, ஃபேஸ்புக்கின் மற்ற நிறுவனங்களுடன் பகிரப்படும் என்று இந்தப் புதிய விதிமுறைகளில் குறிப்பிடப்பட்டுள்ளது.

இதனால் தங்களின் விவரங்கள், உரையாடல்களின் பாதுகாப்பு குறித்து பல பயனர்களிடையே அச்சம் எழுந்துள்ளது.



Source link

தொழிற்நுட்பம்

`நாங்கள் எதையும் அறிய விரும்பவில்லை… சிக்னல் செயலி சி.இ.ஓ ஓபன் டாக்!

யாருக்கும் விற்க எங்களிடம் எந்த தரவும் இல்லை என சிக்னல் மெசஞ்சரின் சி.இ.ஓ அருணா ஹார்ட்டர் தெரிவித்துள்ளார். வாட்ஸ் அப் செயலிற்கு நிகராக சிக்னல் என்ற செயதி தற்போது பொதுமக்கள் மத்தியில் பெரிதும் பேசப்படும் செயலியாக அசுர வளர்ச்சியடைந்துள்ளது. சிக்னல் செயலி குறித்து சிக்னல் மெசஞ்சரின் தலைமை நிர்வாக அதிகாரி அருணா ஹார்டர் தெரிவிக்கையில், நாங்கள் வளர்ச்சியை எதிர்பார்த்தோம், ஆனால் இந்த வகையான எழுச்சியை யாரும் கணித்திருக்க முடியாது என்றார். சந்தேகத்திற்கு இடமின்றி, இந்தியா தற்போது சிக்னலின் வளர்ச்சியை முன்னெடுத்து வருகிறது.

நாட்டின் அனைத்து மூலைகளிலிருந்தும் ஆதரவை பெறுவதில் நாங்கள் மகிழ்ச்சியடைகிறோம். இந்த நம்பமுடியாத வளர்ச்சியைக் கையாள நாங்கள் இப்போது உள்கட்டமைப்பை அளவிடுகிறோம், அனைவரும் தொழில்நுட்பத்தில் கைகோர்த்துக் கொண்டிருக்கிறோம். இந்திய மக்கள் எதிர்பார்க்கும் உயர் தரத்திற்கு ஏற்ப சேவையை வழங்க நாங்கள் கடமைப்பட்டுள்ளோம் என்றார்.

வாட்ஸ்அப் கொள்கையைப் பற்றி எழுந்துள்ள கூக்குரல் தனியுரிமை என்பது மக்களுக்கு முக்கியமானது என்பதை தெளிவுபடுத்துகிறது. பேஸ்புக்கின் வருவாய் மாதிரியானது அதன் பயனர்களின் தரவை சேமித்து வைப்பதன் மூலம் இயக்கப்படுகிறது என்பதை நாம் அனைவரும் அறிவோம், எனவே வாட்ஸ்அப் சேவை விதிமுறைகளுக்கான இந்த புதுப்பிப்பு தற்போதைய நேரத்தின் ஒரு விஷயம் மட்டுமே. இது மிகவும் சிக்கலான கொள்கை மற்றும் புரிந்து கொள்வது மிகவும் கடினம் என்று நான் கருதுகிறேன் என்றார். மக்கள் எளிமையை விரும்புகிறார்கள். எனவே, மில்லியன் கணக்கானவர்கள் சிக்னலை மாற்றியுள்ளனர்.

சிக்னல் செயலியின், வாடிக்கையாளர்களின் தரவு சேமிக்கப்பட்டாது. நாங்கள் எதையும் அறிய விரும்பவில்லை, நீங்கள் யாருடன் பேசுகிறீர்கள், அல்லது எத்தனை செய்திகளை அனுப்புகிறீர்கள், உங்கள் சுயவிவரப் படம் எப்படி இருக்கும் என்று கூட தெரிந்து கொள்வதில்லை. உங்கள் தரவு உங்களுக்காக மட்டுமே. இதன் பொருள் யாருக்கும் விற்க எங்களிடம் தரவு இல்லை. இதன் விளைவாக, எங்களிடம் உள்ளதை வாங்க மூன்றாம் தரப்பினரும் ஆர்வம் காட்டவில்லை, ஏனென்றால் எங்களிடம் எதுவும் இல்லை. உங்கள் உரையாடல்கள் உங்களுக்கும் நீங்கள் யாருடன் பேசுகிறீர்களோ அவர்களுக்கிடையில் மட்டுமே என்றும் தெரிவித்தார்.

Source link

Continue Reading

தொழிற்நுட்பம்

விவசாயிகளுக்காக எலக்ட்ரிக் டிராக்டரை அறிமுகம் செய்த ஸ்டார்ட் அப் நிறுவனம்!

விவசாயிகளுக்கு உதவும் வகையில் ஸ்டார்ட் அப் நிறுவனம் ஒன்று தற்போது எலக்ட்ரிக் டிராக்டரை அறிமுகம் செய்துள்ளது. அனைத்து துறைகளின் மேம்பாட்டிலும் தொழில்நுட்பம் தற்போது முக்கிய பங்கு வகிக்கிறது. குறிப்பாக, மனிதர்களின் வேலையை எளிதாக்குவதற்கு தொழில்நுட்பம் அதிகம் உதவுகிறது. கடந்த சில நாட்களுக்கு முன் தலைநகர் டெல்லியில் தானியங்கும் மெட்ரோ ரயிலை பிரதமர் மோடி தொடங்கி வைத்தார்.

இந்நிலையில், விவசாயிகள் தங்கள் பணியை மேலும் எளிதாக்கும் வகையில் Monarch Tractor என்ற எலக்ட்ரிக் டிராக்டர் அறிமுகம் செய்யப்பட்டுள்ளது. இதன் மூலம் சுற்றுச்சூழலுக்கும் எந்த பாதிப்பும் ஏற்படாது என தெரிவிக்கப்பட்டுள்ளது. இந்த எலக்ட்ரிக் டிராக்டர் 40 குதிரைத்திறன் கொண்டது. மேலும், 70 குதிரைத்திறன் வரை அதிகரிக்க முடியும் என்றும் தெரிவிக்கப்பட்டுள்ளது. பேட்டரியை மாற்றும் வசதியும் இந்த டிராக்டரில் காணப்படுகிறது. உங்களுக்கு தேவையான வேகத்தில் இயக்குமாறு உருவாக்கப்பட்டுள்ளது.

இதில் கூடுதல் சிறப்பம்சம் என்னவென்றால், ஓட்டுநர் இல்லாமல் கூட இதனை இயக்க முடியும். இதில் சென்சார் மற்றும் கேமரா வசதியும் வடிவமைக்கப்பட்டுள்ளது. குறிப்பாக, விவசாயிகள் பூச்சி மருந்து தெளிப்பதற்கும் இந்த டிராக்டரை பயன்படுத்திக் கொள்ளலாம். இதுபோன்ற தொழில்நுட்பங்களால் விவசாயத்துறையில் பல்வேறு மாற்றங்கள் ஏற்பட வாய்ப்புள்ளதாக விவசாயிகள் கருத்து தெரிவித்துள்ளனர்.

Source link

Continue Reading

தொழிற்நுட்பம்

வாட்ஸ் அப் கணக்கு நீக்கப்படாது: மே 15 வரை கால அவகாசம் | ‘No Account Will Be Suspended’: Whatsapp Defers 8 Feb Deadline

தங்களுடைய நிபந்தனைகளை ஏற்காத கணக்குகள் பிப்ரவரி 8-ம் தேதியன்று முடக்கப்படும் என்று தெரிவித்திருந்த வாட்ஸ் அப், தனது முடிவில் இருந்து தற்போது பின்வாங்கியுள்ளது.

புதிய பாதுகாப்பு அம்சங்களை அறிந்துகொள்ள ஏதுவாக மே 15 வரை கால அவகாசம் அளிக்கப்படுவதாகவும் வாட்ஸ் அப் தெரிவித்துள்ளது.

முன்னணி மெசேஜிங் சேவையான வாட்ஸ் அப் விதிகள் மற்றும் நிபந்தனைகள் புதுப்பிக்கப்பட்டிருப்பது இணைய உலகில் பெரும் சர்ச்சையையும், விவாதத்தையும் ஏற்படுத்தியுள்ளது. வாட்ஸ் அப்பின் மாற்றி அமைக்கப்பட்ட நிபந்தனைகளில், ஃபேஸ்புக்குடன் தரவுகள் பகிர்ந்து கொள்ளப்படுவது தொடர்பான அம்சமே அதிகம் சர்ச்சைக்குள்ளானது.

இந்த நிபந்தனைகள் பிப்ரவரி 8-ம் தேதி அன்று அமலுக்கு வருவதாகவும், வாட்ஸ் அப் சேவையைத் தொடர்ந்து பயன்படுத்த இந்த நிபந்தனைகளை ஏற்றுக்கொள்ள வேண்டும் என்றும் தெரிவிக்கப்பட்டது. இதனால் உண்டான சர்ச்சையை அடுத்து, புதிய நிபந்தனை மாற்றம் வாட்ஸ் அப் வர்த்தக சேவை தொடர்பானது என்றும், பயனாளிகள் சேவையில் எந்த மாற்றமும் இருக்காது என்றும் வாட்ஸ் அப் தரப்பில் விளக்கம் அளிக்கப்பட்டது.

எனினும் வாட்ஸ் அப் பயனர்களின் தனியுரிமைப் பாதுகாப்பு குறித்த கேள்வி தொடர்ந்து எழுப்பப்பட்டு வந்தது. இந்நிலையில் தங்களுடைய நிபந்தனைகளை நிற்காத கணக்குகள் பிப்ரவரி 8-ம் தேதியன்று முடக்கப்படும் என்று தெரிவித்திருந்த வாட்ஸ் அப், தனது முடிவில் இருந்து பின்வாங்கியுள்ளது. பயனர்கள் தங்களுடைய புதிய பாதுகாப்பு அம்சங்களை அறிந்துகொள்ள ஏதுவாக மே 15 வரை கால அவகாசம் அளிக்கப்படுவதாகவும் வாட்ஸ் அப் தெரிவித்துள்ளது.

இது தொடர்பாக இன்று (ஜன.16) வாட்ஸ் அப் வெளியிட்டுள்ள அறிக்கையில், ”பயனர்களின் வாட்ஸ் அப் கணக்கு பிப்ரவரி 8 அன்று முடக்கவோ, தற்காலிகமாக நீக்கவோ படாது. இது தொடர்பாகப் பரவி வரும் பல்வேறு தகவல்கள் உண்மையல்ல. அவை தவறானவையே. நண்பர்கள், உறவினர்கள் மத்தியில் பகிரப்படும் தகவல்களின் நம்பகத்தன்மை பாதுகாக்கப்படும்.

புதிய அப்டேட்டில் எவ்வாறு தரவுகள் சேகரிக்கப்பட்டு, பயன்படுத்தப்படும் என்பது இன்னும் தெளிவாக விளக்கப்பட்டுள்ளது. வாட்ஸ் அப்பை இப்போது எல்லோரும் வணிகப் பயன்பாட்டுக்காகப் பயன்படுத்துவதில்லை என்பதால், வருங்காலத்தில் இன்னு அதிகப் பயனர்கள் வணிகப் பயன்பாட்டைத் தேர்ந்தெடுக்கலாம் என்று நினைக்கிறோம். இதனால் புதிய பாதுகாப்பு அம்சங்கள் குறித்துப் பயனர்கள் அறிந்துகொள்ள போதிய கால அவகாசம் வழங்கப்படுகிறது” என்று தெரிவிக்கப்பட்டுள்ளது.



Source link

Continue Reading

Trending