Connect with us

லைஃப்ஸ்டைல்

ஒற்றைத் தலைவலியைப் போக்கும் முடக்குவாதத்தை தடுக்கும்… அன்றாடம் பயன்படும் ஆச்சரியமான பொருள்

மஞ்சளை சமையலில் பயன்படுத்தாத குடும்பம் இருக்க முடியாது. மஞ்சள் பல்வேறு கை வைத்தியங்களிலும் முக்கியமானதாகும். அடிபட்ட இடங்களில் மஞ்சளையும் பச்சரியையும் அரைத்து நீரில் கொதிக்கவைத்து பூசுவது வழக்கம். மஞ்கள் பல்வேறு மருத்துவ குணங்கள் அடங்கியது. மஞ்சளின் சில மருத்துவகுணங்கள் இதோ…

ஒற்றைத் தலைவலி
‘மைக்ரேன்’ என்னும் ஒற்றைத் தலைவலியை அற்புதவிதமாக போக்கும் தன்மை மஞ்சளுக்கு உள்ளது.

முகப்பரு
முகத்தில் இருக்கும் பருக்கள் அகலாமல் அடம் பிடிக்கிறதா? மஞ்சளை அரைத்து ஃபேஸ்மாஸ்க் போன்று பூசினால் அகல மறுக்கும் பருக்கள் அகன்றுபோகும். அவற்றை குணப்படுத்தக்கூடிய தன்மை மஞ்சளுக்கு உண்டு. ஆம், பாக்டீரியாக்களுக்கு எதிராகவும், அழற்சி ஏற்படாமல் தடுக்கவும் மிகவும் உதவுவது மஞ்சள்.

சர்க்கரை நோய்
இரத்தத்தில் சர்க்கரையின் அளவை சீராக பராமரிக்கும் தன்மை மஞ்சளுக்கு இருக்கிறது. அழற்சியை தடுக்கும் குணம் இதற்கு உதவுகிறது.

மாதவிடாய்
பிஎம்எஸ் என்னும் ப்ரீமென்சுரல் சிண்ட்ரோம், மாதவிடாய்க்கு முன்பான உபாதையின் தீவிரத்தை குறைப்பதற்கு மஞ்சள் உதவுகிறது.

வயிற்று கோளாறு
ஐபிஎஸ் என்னும் இரிடபிள் பௌவல் சிண்ட்ரோம் அல்லது வயிற்று கோளாறுகள் ஏற்படாமல் மஞ்சள் தடுக்கிறது. 207 பேரிடம் செய்த ஆய்வு மூலம் அடிவயிற்று வலி உள்ளிட்ட பல்வேறு வயிறு தொடர்பான கோளாறுகள் ஏற்படாமல் மஞ்சள் தடுப்பது கண்டுபிடிக்கப்பட்டுள்ளது.

வைரஸ் தொற்று
சாதாரண சளி மற்றும் ஃப்ளூ என்று அழைக்கப்படும் தொற்று இவற்றை கொண்டு வரும் பல்வேறு வகை கிருமிகளுக்கு (வைரஸ்) எதிராக மஞ்சள் செயல்படும் திறன் கொண்டது.

புற்றுநோய்
உங்கள் உடலிலுள்ள நச்சுப்பொருள்களை அகற்றி, கட்டியை ஏற்படுத்தும் செல்கள் (tumor cells) வளருவதை மஞ்சள் தடுக்கிறது.

கெட்ட கொலஸ்ட்ரால்
மஞ்சளை தொடர்ந்து உணவில் உட்கொண்டு வந்தால் எல்டிஎல் என்னும் கெட்ட கொலஸ்ட்ரால் குறைக்கப்படுகிறது. எச்எல்டி என்னும் நல்ல கொலஸ்ட்ராலின் அளவு உடலில் அதிகரிக்க மஞ்சள் உதவுகிறது.

முடக்குவாதம்
மூட்டுவலி, மூட்டு மடங்காத விறைப்பு மற்றும் முடக்குவாதம் இவற்றை குணப்படுத்தும் தன்மை மஞ்சளுக்கு உள்ளது. ஆகவே, மூட்டு பிரச்னை உள்ளவர்கள் மஞ்சளை பயன்படுத்தி பலன் பெறலாம்.

Source link

லைஃப்ஸ்டைல்

லிப்ஸ்டிக்கை எப்படி தேர்வு செய்ய வேண்டும்?? வாங்க பார்க்கலாம்..

ஒவ்வொரு பெண்ணும் தங்களை அழகு படுத்தி கொள்ள மிகுந்த ஆர்வம் செலுத்துவார்கள். தன்னை மற்றவர்கள் முன் அழகாக காண்பிக்க எண்ணுவார்கள். முக்கியமாக ஆண்களின் முன் அம்சமாக திகழ ஆசைப்படுவார்கள் தொழில்நுட்ப வளர்ச்சியால் பெண்களை அழகுபடுத்தும் அதீத சாதன பொருட்கள் தயாரிக்கப்பட்டுவருகின்றன. என்னதான் முகத்தை அழகு செய்தாலும் உதட்டில் சரியான வண்ணம் தேர்வு செய்து லிப்ஸ்டிக் இட்டால் மட்டுமே முகம் பொலிவு அடையும். நீங்களே கண்டுபிடித்து இருக்கலாம் ஆமாங்க, நான் உதட்டுச்சாயம் பற்றி தான் கூறுகிறேன். ஏனென்றால் மேக்கப் அழகாக செய்துவிட்டு முகத்திற்கு சம்மந்தம் இல்லாத லிப்ஸ்டிக் அணிவதால் மேக்கப்க்குரிய அழகை கெடுத்துவிடும். வண்ணத்தை தேர்வுசெய்யும் முன் நம் சருமத்தின் நிறத்தை கண்டறிவது அவசியம்.சருமத்தின் நிறங்கள் 5 வகைகளாகப் பிரிக்கலாம்.

பால் நிற வெள்ளை சருமம், வெள்ளை சருமம், நடுத்தர நிற சருமம், பழுப்பு நிற சருமம் மற்றும் கருமை நிற சருமம் ஆகும். பால் வெள்ளை மற்றும் வெள்ளை நிற சருமம் கொண்டவர்கள் பிங்க், கோரல், பீச், நியூடூ மற்றும் சிவப்பு நிற லிப்ஸ்டிக்கை தேர்வு செய்யலாம். நடுத்தர நிற சருமம் கொண்டவர்கள் ரோஸ், பெர்ரி, செர்ரி சிவப்பு, மற்றும் மெவ் நிற லிப்ஸ்டிக்கை தேர்வு செய்யும் போது மிக அழகாகக் காட்சியளிப்பார்கள். பழுப்பு நிற சருமம் கொண்டவர்கள் கோரல், டீப் பிங்க், பிரைட் ரெட் போன்ற வண்ணங்களைத் தேர்வு செய்யலாம். ஆனால் பிரவுன் மற்றும் வைல்ட் போன்ற வண்ணங்களைத் தவிர்க்கலாம். கருமை நிறம் கொண்டவர்கள் பிளம், கேரமல், ஒயின் போன்ற வண்ணங்களைத் தேர்வு செய்யலாம்.

உதட்டின் வடிவத்தை பற்றி பார்ப்போமா?
உங்கள் உதடுகளின் வடிவம் சற்று கனமாக இருந்தால் அதற்குரிய லிப்ஸ்டிக் அணியவேண்டியது அவசியம். அதாவது உங்களின் மேல் உதடு கனமாக இருந்தால் மேல் உதட்டில் சற்று பிரகாசமான நிறத்தில் உதட்டு சாயம் இருக்க வேண்டும். கீழ் உதட்டில் அதே நிறமுள்ள வண்ணத்தில் சற்று இருண்டு காணவேண்டும். இரண்டு உதடுகளும் சமநிலையில் இருந்தால் பென்சிலில் உதட்டின் வடிவத்தை வரைந்து கொண்டு உதட்டு சாயம் இட வேண்டும். இக்குறிப்புகளை பயன்படுத்தி உதட்டின் வடிவத்தை முன்னிலைப்படுத்தி சருமத்திற்கு ஏற்ற உதட்டு சாயத்தை இட்டு அழகில் பொலிவு அடையுங்கள்.

Source link

Continue Reading

லைஃப்ஸ்டைல்

உயர் இரத்த அழுத்தமா? இயற்கை முறையில் கட்டுப்படுத்தலாம்… எப்படி தெரியுமா?

இரத்த அழுத்தத்தில் ஏற்படும் பாதிப்பு பல்வேறு உடல் நலக்கோளாறுகளுக்கு காரணமாகிவிடுகிறது. உரிய சிகிச்சையளிக்காவிட்டால் உயர் இரத்த அழுத்தம், இரத்த தமனிகளை பாதித்து மாரடைப்பு, பக்கவாதம், சிறுநீரக பாதிப்பு மற்றும் பார்வையில் பாதிப்பு ஏற்பட வழிவகுக்கிறது. உயர் இரத்த அழுத்தத்தை கட்டுப்படுத்த வாழ்வியல் முறைகளில் சில மாற்றங்களை செய்வதே முதல் வழியாக கருதப்படுகிறது. உப்பு குறைந்த உணவுகளை சாப்பிடுதல், தவறாமல் உடற்பயிற்சி செய்தல், மது அருந்தாமல் இருத்தல் மற்றும் மன அழுத்தத்தை சரியானபடி கையாளுதல் ஆகியவற்றில் கவனம் செலுத்தினால் உயர் இரத்த அழுத்தத்தை நிச்சயமாக கட்டுப்படுத்த இயலும். அதனால் வரும் பெரிய அளவிலான பாதிப்புகளை தவிர்க்க முடியும். பலர் உயர் இரத்த அழுத்த பாதிப்புக்கு மாத்திரை உட்கொண்டு வருவர். இவர்களுக்கும் தங்கள் இரத்த அழுத்தத்தை இயல்பு நிலைக்குக் கொண்டு வருவது அவசியம். இரத்த அழுத்தத்தை சீராக பராமரிப்பதில் வாசனை எண்ணெய்கள் (essential oils) உதவுகின்றன என்று ஒரு கருத்து நிலவுகிறது.

வாசனை எண்ணெய்கள்
இரத்த அழுத்தத்தை நேரடியாக பாதிக்கக்கூடியது மன அழுத்தமாகும். மன அழுத்தம் அதிகமாக சாப்பிடும்படி தூண்டுகிறது. ஆரோக்கியத்தை பாதிக்கும் உணவு பொருள்களை சாப்பிடுவதன் மூலம் இரத்த அழுத்தம் உயருகிறது. லாவண்டர், ரோஸ், யூகலிப்டஸ் உள்ளிட்ட வாசனை எண்ணெய்கள் கொரிஸ்டால் என்ற ஹார்மோன் சுரப்பை கட்டுப்படுத்துகின்றன. நல்ல வாசனையை நுகரும்போது மனம் சந்தோஷமாக உணருகிறது. நரம்பு மண்டலம் அமைதியாகிறது. கொரிஸ்டால் போன்ற ஹார்மோன்கள் சுரப்பு மட்டுப்படுத்தப்பட்டு இரத்த அழுத்தம் கட்டுக்குள் வருகிறது. இஞ்சி, கறுப்பு மிளகு மற்றும் மஞ்சள் இவற்றிலிருந்து எடுக்கப்படும் எண்ணெய்கள் தமனியை விரிவாக்கியும் அழற்சியை குறைத்தும் இரத்த அழுத்தத்தை சீராக்குகின்றன.

ஆய்வு
வாசனை எண்ணெய்களை கொண்டு சிறிய ஆய்வு ஒன்று செய்யப்பட்டது. இதில் 29 ஆண்கள் சோதிக்கப்பட்டனர். உயர் இரத்த அழுத்தம் கொண்ட இவர்களுள் ஒரு குழுவினர் வாசனை எண்ணெய் இருந்த அறையினுள் அமர்த்தப்பட்டனர். மற்றவர்கள் சாதாரண அறையினுள் அமர்த்தப்பட்டனர். ஒரு மணி நேரம் கழித்து இரத்த அழுத்தம் பரிசோதிக்கப்பட்டபோது, வாசனை எண்ணெய் இருந்த அறையினுள் இருந்தவர்களின் இரத்த அழுத்தம் 115/66 என்ற அளவிலிருந்து 97/59 என்ற அளவாக குறைந்திருந்தது. லாவண்டர் ஆயில் போன்ற எண்ணெய்களை நுகருவோருக்கு மனம் அமைதியாகிறது என்றும் கண்டுபிடிக்கப்பட்டுள்ளது.

எப்படி பயன்படுத்துவது?
வாசனை எண்ணெய்களை பயன்படுத்த இன்ஹேலர்கள் கிடைக்கின்றன. அரோமா ஸ்டிக் (aroma stick) என்றும் கிடைக்கிறது. இவை எதையும் பயன்படுத்தாமல் சிறிது பஞ்சில் வாசனை எண்ணெயை எடுத்து நுகர்தலும் பயன் தரும். இரத்த அழுத்தத்தை கட்டுப்படுத்த மருந்து சாப்பிடுவோர், மருந்தினை நிறுத்தக்கூடாது. மருந்து சாப்பிட்டபடியே வாசனை எண்ணெயை பயன்படுத்தலாம். இரத்த அழுத்தத்தைப் பொறுத்தமட்டில் அது குறைகிறது மருத்துவரால் உறுதி செய்யப்பட்டால் அவரே மருந்தின் அளவை குறைக்கும்படி அறிவுறுத்துவார்.

Source link

Continue Reading

லைஃப்ஸ்டைல்

முகம் 20 வயது போல மின்ன வேண்டுமா.. ஆரஞ்சு பவுடர் தான் பெஸ்ட்.. ஆண்களும் பயன்படுத்தலாம்..

மனிதர்கள் 30 வயது கடந்தவுடன் முகத்தில் சுருக்கம் தாண்டவம் ஆட தொடங்கி விடும். இது ஆண்கள், பெண்கள் என இரு பாலினருக்கும் வருகின்ற முக்கிய ஒன்றாகும். எது விட்டாலும் சுருக்கம் நம்மை விடாது. சருமத்தின் சுருக்கத்தை நீக்கி என்றும் இளமை ததும்ப வாழ வேண்டுமா?? அப்போ ஆரஞ்சு பவுடர் பயன்படுத்துங்கள். ஆரஞ்சு பழங்களில் வைட்டமின் சி, கால்சியம் போன்ற சத்துக்கள் அடங்கியுள்ளது. இதனை தினமும் சாப்பிட்டால் உடல் ஆரோக்கியம் மேன்மை அடையும். ஆரஞ்சு பழத்தை காட்டிலும் அதனின் மேல் உள்ள தோள்களில் சத்து அதிகம். தோள்களில் முகத்தை பொலிவு அடைய கூடிய சத்து அதிகம் உள்ளது. சரி வாங்க ஆரஞ்சு பொடி செய்வது குறித்தும் அதனை எப்படி, எவ்வாறு பயன்படுத்துவது குறித்தும் பார்க்கலாம்.

உங்கள் சருமம் பொலிவாக இருந்தாலும் மேலும் பொலிவாக்க ஆரஞ்சு பவுடர் உதவும். அதே சமையம் முகம் கருமையாக இருந்தாலும் ஆரஞ்சு பவுடர் மட்டுமே முகத்தை பள பளப்பாக்கும். முதலில் ஆரஞ்சு பழ தோலை வெயில் நன்றாக காய வைத்து கொள்ளவும். காய்ந்த தோலை மிக்சியில் அரைத்து பொடியாக்கி கொள்ளவும். இந்த பொடியினை வைத்து வீட்டிலே பேஸ் மாஸ்க் போடலாம்..

தேவையான பொருள்கள்:-ஆரஞ்சு பவுடர் – 2 ஸ்பூன்தேன் – 1 ஸ்பூன்எலுமிச்சை சாறு – 2 ஸ்பூன்

செய்முறை:-ஒரு கப்பில் முகத்திற்கு தேவையான ஆரஞ்சு பவுடரை எடுத்து கொள்ளவும். பிறகு அதில் தேன்,எலுமிச்சை சாறு ஆகியவற்றை சேர்த்து நன்றாக கலந்து கொள்ளவும். இந்த மாஸ்க் அணிவதற்கு முன்பு முகத்தை தூய நீரால் கழுவி கொள்ளவும். சிலருக்கு முகம் மட்டும் பொலிவாக இருக்கும். ஆனால் கழுத்து கருகருன்னு கருப்பாக இருக்கும்.

இதனை தவிர்க்க ஆரஞ்சு பேஸ் மாஸ்க்கை முகம் மற்றும் கழுத்திற்கு போட்டு 20 நிமிடம் ஊற வைக்கவும். பின்னர் முகத்தை கழுவினால் முகம் பொலிவடையும். இதனின் பெஸ்ட் ரிசல்ட்க்கு வாரத்திற்கு இரண்டு முறை இந்த மாஸ்க்கை கட்டாயமாக பயன்படுத்த வேண்டும்.

https://tamil.thesubeditor.com/news/aval/28154-how-to-cure-wrinkles-with-orange-face-mask.html

Source link

Continue Reading

Trending